2022年3月3日 星期四

♥︎ 剖腹產子小分享及產後護理推介 ♥︎

你地其實知唔知我3胎都係開刀?第一胎無得揀因為胎盤前置,打後兩胎就因為反正開過,又怕痛,所以決定開埋刀啦!其實開刀都會痛嘅,不過差在係生時痛,定係生完後痛🙈由於我唔係緊急開刀,所以我無經歷過陣痛,都叫好好彩啦🤪不過開刀後其實都痛架,當時生完醫院都有比束腹帶我固定傷口,但係束腹帶時不時走位,去廁所我都覺得唔太方便,每次去完都要再調整,加上減低痛楚方便我覺得只能夠減輕小小,大家記唔記得我嘅世界最遙遠的餵奶室🥲諗起行過去都痛丫(雖然可以坐輪椅去,但生完行下係比較好)。另外就係疤痕問題,當初傷口埋得好靚架,但過左幾個月後就變左一條好立體嘅疤🥲我就同自己講唔緊要啦,我係3個小朋友媽媽黎架麻,但其實不知幾唔想見到佢呀😭😭😭