♥︎ 粉紅色火鍋店-美滋鍋 ♥︎

 

平時都好少介紹飲食，但今次來到一間令我一定要同大家分享嘅餐廳，佢就係新加坡好出名嘅「美滋鍋」，依加係旺角都開左間啦！餐廳整間都以粉紅色為主，係女仔見到都心心眼。

另外近門口有一個好少嘅區域係歲小朋友玩，需要地方小小，但係等位其間入左去玩，都好開心。不過地方就容納唔到太多小朋友啦

 

 

好！首先，我唔講嘢食住！因為我要大讚佢地服務態度一流，主動加湯，幫我地去走打邊爐個層白色嘢(我都唔知叫乜)，仲有主動添飲⋯⋯而且放底食物時都會好細心，話你聽每款食物滾幾耐就食得(如果忙記左，張單都有寫住)，總之你去一次就明。



美滋鍋嘅湯底全部都係美顏養身，而佢可以揀1款，2款同4款湯底組合。我就揀左膠原蛋白養顏美容、維他命C粟米蕃茄、清熱解熱雪耳鮮椰子同長生抗癌松茸野菌以上4款湯底，所有湯底一到記得飲返幾啖先，真係好好味😋真材實料。不過如果打邊爐黎講膠原蛋白同松茸會比較淡品，另外2款就好入味。

食物方面我推介頂級上選A4和牛、美國安格斯牛小排 、西班牙黑豚五花肉同新鮮炸響鈴，其實仲有好多款都出面好少有得食，但我地2大1小1B食唔到咁多😣；飲品方面呢我同爸B叫左$23任飲嘅洛神花同竹庶予根，好抵飲！佢仲有水果茶(有任飲)、椰青、汽水同酒類。

無記錯呢個係皮蛋墨魚滑，但我覺得比較咸左小小

D牛味好五，超好味

無限添飲-洛神花

食飽飽後，仲有個柚子沙冰做甜品🥰就咁樣完結左我一餐美味嘅晚餐

♥️總結:餐廳質素好高，食物品質好好，好新鮮。而服務態度係我未入去食，只係等位已經感受到。餐廳係門外都好細心，有冰凍水果茶飲品比等位嘅客人飲，等位都會叫你留電話，有位就CALL返客人👍🏻👍🏻👍🏻價錢方面我食左$23xx，但我無特別睇價錢食（應該唔叫咁貴嘅牛唔法咁貴）

餐廳: 美滋鍋 Beauty in The Pot
地址: 旺角家樂坊8樓803舖
時間: 12:00pm-03:00am